राजनीतिक दललाई पूर्वराजा ज्ञानेन्द्रको आग्रह- देश जोगाउन राजसंस्थासँग सहकार्य गर्नुहोस्
(161020) -- KATHMANDU, Oct. 20, 2016 (Xinhua) -- Nepalese Former King Gyanendra Shah speaks during the International Grand Hindu Conference in Kathmandu, Nepal, Oct. 20, 2016. More than 1,000 Hindus from across the globe have gathered in Nepal on Thursday to participate in the International Grand Hindu Conference. (Xinhua/Sunil Sharma) (dtf)
काठमाण्डु- पूर्वराजा ज्ञानेन्द्र शाहले राजनीतिक दल र राजसंस्थाबीच सहकार्य हुनुपर्ने बताएका छन् । ७३ औं प्रजातन्त्र दिवसको अवसरमा एक शुभकामना सन्देश जारी गर्दै पूर्वराजाले देश जोगाउन भन्दै राजनीतिक दललाई सहकार्यको लागि प्रस्ताव गरेका हुन् ।
‘देशको दीर्घकालीन शान्ति, स्थिरता, अन्तर्राष्ट्रिय सम्मान र सार्वभौमिकतामा चिरा चिरा पर्न थालेको छ । अब यो देश जोगाउन प्रजातन्त्रको लागि अपरिहार्य राजनीतिक दलहरू र लामो समय देशभक्तिपूर्ण ऐतिहासिक विरासत बोकेको राजसंस्था आएर आपसी विश्वासका साथ सहकार्यको लागि विलम्ब गर्नु हुँदैन’, पूर्वराजा शाहले शुभकामना सन्देशमा उल्लेख गरेका छन् ।
पूर्वराजा शाहले नेपाल एकीकरणको झण्डै २४० वर्षपछि आफूले शासकीय सत्तारुपी जनताको नासो जनतालाई नै बुझाएको पनि स्मरण गरेका छन् ।
तपाईको प्रतिक्रिया दिनुहोस