संसदभित्र र बाहिर रहेका कम्युनिष्टबीच एउटै पार्टी बनाउने अभियानमा लागेका छौं : महासचिव गुरुङ
काठमाण्डु – नेकपा माओवादी केन्द्रका महासचिव देव गुरुङले संसदभित्र र बाहिर रहेका कम्युनिष्टबीच आपसी संवाद र छलफलबाट एउटै कम्युनिष्ट पार्टी बनाउनुपर्नेमा जोड दिएका छन् ।
शुक्रबार भैरहवामा सञ्चारकर्मीसँग कुरा गर्दै उनले कम्युनिष्टको एकताविना प्राप्त राजनीतिक उपलब्धिको रक्षा नहुने भन्दै संसदभित्र र बाहिर रहेका कम्युनिष्टबीच आपसी संवाद र छलफलबाट एउटै कम्युनिष्ट पार्टी बनाउनुपर्नेमा जोड दिएका हुन्।
कांग्रेससँगको गठबन्धन तोडेर एमालेसहितको दलको समर्थनमा माओवादी अध्यक्ष पुष्पकमल दाहाल प्रचण्ड प्रधानमन्त्री बनेसँँगै वाम एकताको विषयलाई चर्चा पाइरहेका बेला महासचिव गुरुङको सो धारणा सार्वजनिक भएको हो ।
संविधान, लोकतन्त्रको रक्षा र संसद्को पुनर्स्थापना गर्न सफल भए राष्ट्रिय स्वाधीनतामाथि खतरा र बाह्य शक्तिकाे चलखेलप्रति नेतृत्वको ध्यान नपुगेको गुरुङको भनाइ छ ।
तपाईको प्रतिक्रिया दिनुहोस