सुदूरपश्चिममा नौ जना पूर्वमन्त्री प्रतिनिधिसभा सदस्यको चुनावमा पराजित,सबैभन्दा बढी कैलालीका

त्यस्तै, कैलाली क्षेत्र नं। ३ मा पूर्व मन्त्री गौरीशङ्कर चौधरी प्रतिनिधि सभा सदस्यको निर्वाचनमा हार व्यहारे। नौ हजार ८७४ मत प्राप्त गरेर पराजित भए । पूर्व माओवादी चौधरी यस पटक नेकपा एमाले बाट चुनाव लड्नु भएका थिए । उनी कृषि र श्रम, रोजगार तथा सामाजिक सुरक्षा गरेर दुई पटक मन्त्री भैसकेका छन्। तत्कालीन माओवादी पार्टीबाट कैलाली क्षेत्र नंम्बर ४ बाट २०७० कोे निर्वाचन र २०७४ को प्रतिनिधि सभा सदस्यको निर्वाचन क्षेत्र नं ३ बाट जितेका थिए ।
चुनाव हार्नेमा कञ्चनपुर क्षेत्र नं १ बाट विना मगर, दार्चुलाबाट गणेश ठगुन्ना र कैलालीका नारदमुनी राना पनि छन्। पूर्व वन तथा वातावरण मन्त्री रहेका राना कैलाली क्षेत्र नम्बर ५ बाट नेपाली काँग्रेसका डिल्लीराज पन्तसँग पराजित भएका छन् । पराजित रानाले २० हजार तीन सय १८ मत र विजयी पन्तले २१ हजार ३९२ मत पाए।

२०७४ को निर्वाचनमा रानाले उतीबेला नेपाली काँग्रेसका नेतृ डा. आरजु राणा देउवालाई पराजित गरी विजयी भएका थिए । यस्तै क्षेत्र नं ५ मा सञ्चार राज्यमन्त्री पुष्करनाथ ओझा पनि पराजित हुनु भएका छन् । यसपटक स्वतन्त्र उम्मेदवार भएर चुनाबमा होमिएका ओझाले आठ हजार ३४९ मत पाएर पराजित हुन पुगे । पूर्व सञ्चार राज्यमन्त्री ओझाले २०५६ आमनिर्वाचन क्षेत्र नं। ३ र २०७० को उपनिर्वाचन क्षेत्र नं। ५ बाट जितेका थिए । यस्तै गरेर बैतडीमा स्वतन्त्र उम्मेदवार हुनु भएका केशवबहादुर चन्द पराजित भए । नेपाली काङ्ग्रेसबाट राज्यमन्त्री र २०७४ मा पाटन नगरपालिकाको मेयर भएका थिए । सो क्षेत्रमा नेकपा एमाले का प्रदेश अध्यक्ष तथा पूर्व अर्थ राज्यमन्त्री दामोदर भण्डारीले प्रतिनिधि सभामा ह्याट्रिक गरेका छन् । भण्डारी २०७० र २०७४ यस पटक गरेर लगातार जित्नु भएको छ ।

सफल हुनेमा पूर्व मन्त्रीमा वीरबहादुर बलायर, बझाङबाट पूर्व मन्त्री भानुभक्त जोशी, डोटीबाट प्रेम आले मगर र बैतडीमा पूर्व राज्यमन्त्री भण्डारी हुनुहुन्छ । बाजुरामा पूर्व मन्त्री कर्णबहादुर थापा चुनाव लड्नु भएको छ । सो क्षेत्रमा अझै मतगणना भएको छैन। सुदूरपश्चिम प्रदेशका चार जना बहालवाला मन्त्रीले पनि प्रदेश सभा सदस्यतर्फ चुनाव लडेका दुई जनाको जित र दुई जनाको हार भएको छ । नेकपा एकीकृत समाजवादीका नेतासमेत रहनु भएका सुदूरपश्चिम प्रदेशका भौतिक पूर्वाधार विकास मन्त्री दीर्घ सोडारी कैलाली क्षेत्र नं ४ प्रदेश सभा ‘क’ बाट पुनः निर्वाचित भएका छन् । तर, आन्तरिक मामिला तथा कानूनमन्त्री डा रणबहादुर रावल भने पराजित हुनु भएको छ । यस्तै कञ्चनपुर नं ३ ‘क’ आर्थिक मामिला तथा योजना मन्त्री प्रकाशबहादुर रावल विजयी भए भने डडेलधुरा ‘ख’ बाट सामाजिक विकास मन्त्री गोविन्दराज बोहरा पराजित भएका छन् । यस्तै कैलालीका चार नगरप्रमुख पनि पराजित भएका छन् । प्रतिनिधि सभामा टीकापुर नगरपालिकाको प्रमुख तपेन्द्र रावल, गौरीगङ्गा नगरपालिकाका पूर्व नगरप्रमुख कैलाली–४ प्रदेश सभा ‘क’ र ‘ख’ मा भीमबहादुर देउवा र गोदावरी नगरपालिकाका पूर्व नगरप्रमुख हरिसिंह साउँद पारजित भएका छन् । यस्तै कञ्चनपुरको भीमदत्त नगरपालिकाका पूर्व नगरप्रमुख सुरेन्द्र विष्ट कञ्चनपुर क्षेत्र नं। ३ ‘ख’ बाट प्रतिनिधि तथा प्रदेश सभा सदस्यको निर्वाचनमा असफल भएका छन् ।

गोरखापत्रबाट