प्यारा तालको सौन्दर्यता बढाउन वृक्षारोपण

कञ्चनपुर : नागरिकको स्वस्फुर्त सहभागितामा प्याराताल क्षेत्रमा वृक्षारोपण गरिएको छ । कञ्चनपुरको पुनर्वासमा रहेको जैविक जलाशय प्यारा तालमा आज शनिवार वृक्षारोपण गरिएको हो ।

प्यारा ताल पर्यटन प्रबर्द्धन तथा संरक्षण समितिको आयोजित वृक्षारोपण कार्यक्रममा सुदूरपश्चिम प्रदेशका विधायन समितिका सभापति एवं प्रदेशसभा सदस्य दिवानसिंह बिष्ट, सुदूरपश्चिम प्रदेशका मुख्य सचिव डा. हरिप्रसाद लम्साल, पुनर्वास नगरपालिकाका नगर प्रमुख तोयप्रसाद शर्मा, सुदूरपश्चिम प्रदेश आन्तरिक मामिला मन्त्रालयका उपसचिव कृष्णप्रसाद नेपाल लगायत नागरिहरुको सहभागितामा ताल परिसरमा वृक्षारोपण अभियानको सुरवात गरिएको थियो ।