चटपटे र पानीपुरी खाएका १२ जना बिरामी

पानीपुरी र चटपटे खाएपछि आफूलाई रातभरी वान्ता र पखाला चलेको अस्पतालको आकस्मिक कक्षमा उपचाररत सरिता थापाले बताइन् । शनिबार सोही पसलबाट छोरीले लिएर आएको चटपटे खाएपछि आमा छोरी नै बिरामी परेको आकस्मिक कक्षमै उपचाररत अर्की बिरामी देवकी गिरीले बताइन् ।

सोही नगरपालिकाको नापी कार्यालय नजिकै मीना खातुङको पसलबाट पानीपुरी र चटपटे खाएपछि बिरामी भएकोे बिरामीका आफन्तले बताएका छन् । जिल्ला प्रशासन कार्यालयले पसलबाट पानीपुरी र चटपटे बनाउन प्रयोग गरिने सबै सामानहरु बरामद गरी ल्याव परीक्षणका लागि खाद्य प्रविधि तथा गुण नियन्त्रण कार्यालय धनगढी पठाएको छ ।

दर्ताबिना सानो ठाँउमा व्यवसाय गरिरहेको पाइएकोले पसल तत्काल बन्द गराइएको प्रमुख जिल्ला अधिकारी भीमकान्त पौडेलले बताए ।