कैलाली बहुमुखी क्याम्पसमा अखिल (क्रान्तिकारी ) काे जित्ने सम्भावना बलियो
![](https://www.janaabhiyan.com/wp-content/uploads/2023/03/337034489_753284352853550_268418612725903258_n.jpg)
कैलाली, ७ चैत कैलाली बहुमुखी क्याम्पसमा चैत ८ गते स्ववियु निर्वाचन हुँदैछ । विभिन्न विद्यार्थी संगठनदेखि स्वतन्त्र पनि चुनावी मैदानमा छ्न् । सभापति पदमा राजनीतिक दलका भातृ संगठन र स्वतन्त्र गरि ७ जना चुनावी प्रतिस्पर्धामा छन् ।
विद्यार्थीको हक हितका एजेन्डासहित चुनावी प्रतिस्पर्धामा उत्रिएका छ्न् । जित्नेमा पनि उम्मेदवारहरुका आ-आफ्नै दाबी छ्न् । सभापतिका लागि अखिल (क्रान्तिकारी) बाट उम्मेदवार बनेका पवन सुनार आफूले चुनाव जित्नेमा कुनै संका नरहेको दाबी गर्छन् । उनले भने माओवादी घटकका विद्यार्थी संगठन एक भएर लड्दै छौ,हिजोको भन्दा आज हामी थप बलियो भएका छौँ ।
क्याम्पस का हरेक गतिविधिमा निरन्तर विद्यार्थीसँगै जोडिएर काम गरेकोले सबैले मलाई नै मतदान गर्नु हुन्छ उनले भने क्याम्पसको नियमित विद्यार्थी हु,+2 पनि कैलाली बहुमुखी क्याम्पसबाट अध्ययन गरेको हुनाले विद्यार्थी माझ लोकप्रिय छु, म भित्र बहु प्रतिभा छ र कुशल नेतृत्व गर्ने क्षमता रहेकाे छ भन्नेमा छु । त्यसैले सबैले मलाइ साथ दिनुहुन्छ भन्नेमा विस्वस्त छु । उनले आफू र आफ्नो प्यानलसहित जित्नेमा ढुक्क रहेको बताए ।
त्यस्तै सभापतिमा अनेरास्ववियुबाट यमराज जोशी, नेपाल विद्यार्थी संघबाट हरिश खत्री, राप्रवि संगठनबाट नविन शाहु,स्वतन्त्र विद्यार्थी समूहबाट विष्णुकुमार साउँद, स्वतन्त्रबाट खगेन्द्र प्रसाद अवस्थी र धुर्वराज न्यौपाने चुनावी प्रतिस्पर्धामा छन् ।
तपाईको प्रतिक्रिया दिनुहोस