प्रधामन्त्री देउवा र बाबुराम भट्टराईबीच भेटवार्ता
काठमाण्डु- प्रधानमन्त्री शेरबहादुर देउवासँग नेपाल समाजवादी पार्टीका अध्यक्ष डा. बाबुराम भट्टराईले भेटवार्ता गरेका छन् । मंगलबार प्रधानमन्त्री निवास बालुवाटार पुगेर भट्टराईले देउवासँग भेटवार्ता गरेका हुन् ।
आज भएको भेटवार्तामा उनीहरुबीच आसन्न प्रतिनिधि र प्रदेश सभाको निर्वाचनमा तालमेल गर्ने बारे, समसामयिक राजनीतिक विषय, गठबन्धन निर्माणलगायतका विषयमा छलफल भएको बताइएको छ ।
डा. भट्टराई नेसपाका अर्का अध्यक्ष महिन्द्र राय यादवलाई पनि लिएर बालुवाटार प्रवेश गरेका थिए । उनले हालै जनता समाजवादी पार्टीबाट अलग भई नेसपा गठन गरेका छन् ।
तपाईको प्रतिक्रिया दिनुहोस