सोमबार ८८ जनामा कोरोना संक्रमण पुष्टि, १ को मृत्यु

काठमाडौं । नेपालमा पछिल्लो २४ घण्टामा थप ८८ जनामा कोरोना संक्रमण पुष्टि भएको छ ।स्वास्थ्य तथा जनसंख्या मन्त्रालयले सोमबार सार्वजनिक गरेको विवरणअनुसार पछिल्लो २४ घण्टामा ८६३८ जनामा परीक्षण गर्दा ८८ जनामा कोरोना संक्रमण पुष्टि भएको हो ।आज देशभर ३७६ जना कोरोना संक्रमित निको भएका छन् । हाल मुलुकमा सक्रिय संक्रमितको संख्या ६ हजार १५० रहेको छ । त्यसैगरी पछिल्लो २४ घण्टामा कोरोना संक्रमणबाट एक जनाको मृत्यु भएको छ ।